姬路城茶道

「姬路城」今次擴充「茶道」增加咗一座新橋同埋佢鮮明嘅綠色骰子（代表住「綠茶」），版圖上亦加咗兩個容納骰子嘅位置，仲有全新嘅玩兩版塊。遊戲由每個回合每個玩家輪流放3粒骰變成可以放4粒，增加左遊戲長度同深度。

為酒井家付出，係年尾做appraisal時希望家族成員有人工加，所以今次係呢個太平盛世嘅年代，除左係後花園除下草種下作物、幫啲唔洗打杖嘅子弟兵鍛下劍、同埋由門口擦鞋同比珍珠賄賂啲家族成員，令大家飛黃騰達直上天守可以同大名足膝談心外… 同老細一齊玩「興趣」都好緊要，當時唔興唱K飲酒直落，又唔洗曬住玩高爾夫球，係書室茶室中，賞花、書法、觀池然後一齊品茶就可以…

遊戲中要多平衡一樣資源會變得更有挑戰性，而版圖上每個效益行動因為變得更多選擇/結果，要成功做到連環combo就更考驗大家嘅計劃能力。當然每人都多咗行動次數，變相有空閒發展資源累積以及「後花園」能力（拎細骰），形成到成長體驗，係最後一季度更能做出大爆發回饋效果。但，茶道一區始終未必可以搶到好多分，平衡各區以免過份集中，以及其他區域嘅成長大大影響呢度嘅得分能力。