將魔戒主題融入咗7 Wonder Duel嘅機制，另外遊戲變成唔係跑分 （原版除咗戰爭勝利同文化勝利外，就係計分），變成簡單理解嘅中土爭奪戰，當然仍可以用「文化勝利」 – 取得6個種族支持，同埋直線追擊戰但好鬼有feel嘅佛羅多送魔戒去末日火山/戒靈追擊成功。對比原版係更加刺激，加上店長不嬲對純文明建構唔係太大興趣（好多game都係呢類主題太片面同乏味），而今次有得以搶奪領域去起要塞、生兵、移民、滅兵，估唔到2人卡牌引擎都可以做到張力對抗嘅小型區控戰。
遊戲玩法都係每回合拎一張可以拎到嘅卡（卡牌牌組底層），然後打出興建 （需支付資源）或者賣出（今次改為每個章節會有 1/2/3 金幣），亦可以唔選擇拎卡轉為直接奪取領域 （但需要嘅資源較多，另外每有一個要塞係中土上亦會有額外成本）。卡牌主要分為資源類、軍事類（建兵）、外交類（拉攏種族 – 觸發種族能力）、遠征類（移動魔戒Track)、以及係最後章節 – 王者再臨 先有嘅進攻卡牌 （直接移動軍力 / 滅殺對方兵力）。
依家有繁中版賣啦!
魔戒迷必入!
7 Wonders Duel忠粉要試!
未玩過又唔係魔戒迷但想玩正嘅二人Game要玩!
遊戲人數：2
遊戲時長：30-45 分鐘
二人對抗｜魔戒主題｜7 Wonders Duel新作｜卡牌引擎｜選卡互卡
