描述

要經營一間溫泉旅館，最緊要就係要有個溫泉，可惜我哋接手嘅旅館係連溫泉都未有（所以先會比你接手）。但唔緊要，玩家係7個回合內，透過搵啲勞工/路人幫手，掘下野菜、約下魚、鋤下石、砍下木，就會有資金擴展我哋嘅旅館。遊戲透過工人放置，放置係唔同效果嘅行動牌上取得回報，每輪完結會得到一啲收入，如房租、雞生蛋蛋變雞等資源，再付出一定人工就繼續下輪遊戲。

溫泉繁盛記係一款輕鬆直接經營類遊戲，可以話係經典策略資源遊戲「港都濃情」（Le Havre)嘅簡單低門檻版。所以係有一定魅力係裡面，每輪為了應付人工，但又要購買唔同功能房間，要想方法構建到你嘅被動收入引擎，無論係種菜養魚，定賭骰拎資源換資金，或者依靠唔同嘅持續效果小幫手都係一個唔錯出路。

遊戲本身因應人數會有更多嘅行動選項，加上擴充仲增加咗新嘅目標卡、幫手卡以及設施，令重玩元素增加!

遊戲人數: 1 – 4 人

遊戲時長: 60 分鐘

經營 | 工人放置 | 卡牌效果 | 資源轉換 |日系