桌遊推介: 十大假日聚會精選Boardgame

同朋友係屋企聚會，見下面食下大餐外
都有機會坐低一齊吹下水玩下遊戲
所以今次介紹下10大精選聚會桌遊❤️
睇吓有冇邊隻覺得嚟緊Gathering可以同朋友一齊玩啦

排名不分先後

1️⃣ 密弒派對
近排無論係JFFT live定「桌遊五人眾」都有玩過嘅Party Game! 規則簡單，就係大家互相估對方身入底牌去廝殺嘅遊戲🔥🔥刺激又歡樂 小朋友定大人都玩到！ 自己加house rules 做懲罰又得😈

建議遊戲人數：3 - 8人

2️⃣ Durian
一隻拎嚟warm up / ice breaking 一流嘅小品遊戲。有少少似非洲話事啤x大話骰嘅遊戲，係睇唔到自己底牌情況下，估計吓依家生果鋪有嘅存量，係繼續接order定響鈴鈴challenge人哋呢？

建議遊戲人數：4 - 6人

3️⃣ 駱駝大賽 （新版）
有得賭駱駝賽跑，好似計到機率又好似計唔到咁，一日未完都唔知邊隻會反勝 （因為有趣嘅步行計算方式） 抄熱氣氛一流🔥

建議遊戲人數：4 - 8 人

4️⃣ 席絲琳
香港原創陣營手牌遊戲，係4個陣營之間進行拉扯，拉攏、背叛、圍攻、定用智力反勝，一切都係變幻莫測嘅局勢中發展！信任嘅小船係呢度係唔存在😈 最重要係遊戲中，冇晒血都仲可以攪事同做埋贏家

建議遊戲人數：5 - 8人

5️⃣ Fit to Print
一場即時限時嘅砌圖比拼遊戲！身為報社社長，為咗公司生存，由採訪（拎報紙）、排版（砌圖）、編輯（檢視headline)、搵金主（拎廣告）都係你一個人做晒，究竟係腎上腺素急升嘅情況下，你會唔會完美砌到最高得分嘅報紙呢？

建議遊戲人數：4 - 6 人

6️⃣ 忍者之夜
忍者講求 快 狠 準，係兩個派系之間對疊，透過2張手牌，最後邊個大佬生存就贏嘅遊戲！經過多輪，遊戲最終都係得一個人贏，每次嘅戰友可能只係你嘅踏腳石

建議遊戲人數： 6 - 11 人

7️⃣ 腦洞量表 / 腦洞量表 （沒有下限版）
抽一張題目卡（多為處境題），每人秘密抽取1-10號嘅卡牌，大家輪流因能號碼表達嘅程度去演繹，由隊長去估番啱大家嘅真正順序，當一隻合作game又得，睇下邊個係老鼠屎嘅遊戲又得 過程最緊要😂

建議遊戲人數：5 - 10 人

8️⃣ 截碼戰
動腦筋分2隊嘅團體合作遊戲。化身情報機關，成功將自己信息傳比隊員比佢哋估到，但小心！太明顯或者每次用字太接近就會有機會比對方截到，究竟係自己傻仔傳失沒波定對方叻仔估到先呢？

建議遊戲人數：4 - 8 人

9️⃣ 傳情畫意

想笑吓大家畫功，或者完全脫軌嘅答案發展，呢隻就係大家笑到癲嘅時間！ 所有人同時輪流擔住「畫畫」/「猜估」角色，究竟每個題目最終會變成咩野答案呢？ 建議每本畫冊由尾開始睇，大家睇吓邊個脫軌最離譜

建議遊戲人數：5 - 8 人

1️⃣0️⃣ 賽馬大亨
所有馬匹準備完畢，一開閘！用埋官方apps玩，睇住廣東話旁述，冇回合唔洗跟次序，大家用手上嘅籌碼去即時落注，但每個注區都可以放一個人嘅籌碼，究竟眼明手快落得啱贏大錢，定慢慢等衝線前食硬先去落注，最後都係亂到七彩手忙腳亂咁落

建議遊戲人數： 4 - 9 人