描述
玩家輪流全取同一碟上3個嘅地形Tokens （麥穗/草地/石頭/河流/樹幹/屋子）任意放置在自己嘅板圖上，從而睇下滿唔滿足到目標卡上嘅要求，多數目標記都會係某兩種嘅地形關係，如兩格麥穗中間要有一棵大樹、一格石堆配合兩個相連河流等（玩家每回合可以從公共目標卡市場拎1張，而每回合亦最多將一個完成目標標記放到相關地形上）。能夠在同一目標上完成到更多數量組合，分數效益會較高。
遊戲較有趣嘅位置係，呢個板圖放置係可以疊起，組成更高分嘅地形 （大樹/房屋/石堆等），而已完成目標嘅地形會有當中一個需要放上水晶Token (目標卡上會顯示要求），呢個會影響呢個地形再升級，亦影響到玩家嘅選取目標時嘅考慮 （因為如果太多同類放置需求，會較難完成）。
當然，遊戲規則就如同概視感嘅兩隻一樣，都係動作簡單，而思考策略位就係點樣突破自己鋪設得更好更完美。美術方面，以色彩斑斕嘅token 同埋簡約畫風作為配搭，都係eye catching 嘅位置。
呢類遊戲除非你係深度玩家，如果唔係好難顧到自己嘅同時，仲諗到點樣攪人（停如要搶咩目標卡/優先對手拎左對佢有利嘅地形）。所以遊戲都係偏向自我計劃滿足方面，屬於家庭類嘅遊戲。
遊戲人數：2-4
遊戲時長：30-45 分鐘
放置｜疊起｜生態地形｜精美｜家庭遊戲
