Molly House

遊戲背景
玩家扮演 18 世紀初倫敦的同志，有著不同性取向 / 異服癖嗜好，而係唔同咖啡廳/酒吧中舉辦盛大的化裝舞會，在小巷裡巡遊，同時躲避那些試圖摧毀你社區的道德警察。但只要危機出現，昔日嘅同伴可能成為背叛者，將社區證據供出。

玩法：
遊戲中，玩家將透過手牌，讓玩家在同伴的幫助下舉辦慶祝活動並創造歡樂。喜悅度係遊戲結束勝利的關鍵，特別是社區的喜悅度，因為遊戲有三個得分結局：

1）社區滿足到相應喜悅度，玩家當中誰最致力協助社區擁有最高喜悅度的玩家獲勝；
2）遊戲中，任何一間Molly House被查封後，並被供出足夠罪證，所有忠誠嘅玩家落敗，而成功嘅背叛者（篤灰）獲勝；
3）遊戲的五個星期結束，社區未達到適當發展，道德警察未能控訴任何一間Molly House，所有玩家落敗。

所有打出的手牌除咗會建立聲望值幫助玩家得分以及加強抽卡效果外，亦都係一面雙刃刀，這些牌也可能導致玩家被捕並最終毀掉大家的秘密㊙️基地。當你過份出名，而因為Molly House被查封時，太多線索信息指向你時，你可能會受到審判，除了冒着被吊死的風險外，轉為污點證人，出力賣昔日隊友可能成為保命符…

創作及有趣機制：
係選擇市場手牌或是保留手牌時，都有好多考量，無論係花式（想集中拎邊間Molly House嘅聲望），留唔留Mollies牌（Jack & Queen) 做combo，定為免太易暴露行踪，刻意選擇威脅卡去想辦法消除，當然亦要留意其他玩家動向。而最有趣係每次舉辦舞會，係類似一場賭局，能唔能夠得分，係要睇枱面上大家輪流出嘅卡牌組合，類似桃花順、俘虜、蛇嘅概念，成功自然會拎到唔少喜悅度，就算係未能組成靚嘅牌組，可能可以攪個低調聚會，消除秘密警察同流氓嘅疑慮。但亦要控制大家出卡嘅數量，以及卡牌終究會落到safe pile還是危機四伏除時流出風聲嘅Gossip 牌堆…

當卡庫冇晒牌後，會觸發一個星期完結，而檢算Gossip Pile時，好有可能隨時成功指證一間Molly House令其查封，而當中一定會有玩家受到牽連…

遊戲係協商、半合作、卡牌花式組合、跑分考量以及遊戲結束觸發點上，各項領域互相拉扯，好像一場歡樂嘅舞會，但又暗藏殺機，各人有各人嘅盤算。喜歡呢個作者嘅朋友，基本上係一定要試，對於想試創作主題以及新機制玩法嘅玩家，亦不妨一試。當然遊戲門檻並唔低，因為規則並唔係平時玩嘅BG規則，當中如何取得有效分數以及有效勝利，更加要有相當嘅審視能力，唔係果種自己做引擎就理解到嘅遊戲。

卡牌組合｜版圖移動｜半合作｜背叛｜協商｜花式｜擲骰｜行動選擇｜創新玩法｜獨特主題｜

遊戲人數：2 - 5
遊戲時長：120 - 150 mins