Wondrous Creatures (連隊長包, 額外幻獸擴充, 配件升級包)

又一款畫風可愛，配件精美嘅工人放置遊戲！
今次比仙境幽谷更加糖衣毒藥，主要係唔好比佢外表咁似童話書，咁多幻獸就係簡單家庭game，佢嘅策略成份並唔低，仲有少少Ark Nova影子 （主要係大家搶目標部分同埋收集卡牌物種系列部分）。但又因為美術同埋插畫元素，可能都會令少接觸策略game嘅朋友會心動一試，跳入呢個策略桌桌坑，從此😈…開啟世界嘅大門🥳

遊戲流程：
每回合玩家可以係以下4個行動選擇其中一個進行
1️⃣ 派遣工人放置板圖上，取得資源 / 對應棲息地幻獸 / 獸蛋 🥚
2️⃣ 使用資源打出最多2張手牌，卡牌有5種唔同類型：即時效果/持續效益/休息階段效益/能量行動/終局目標，而每張卡牌上嘅幻獸icon以及棲息地icon都會幫助大家去達成唔同遊戲目標🎯
3️⃣ 聲稱完成目標
4️⃣ 休息階段

遊戲卡牌種類、介面、效能有唔少Everdell嘅既視感，但結算複雜啲以及更多combo；板圖上工人放置方面，因為騎寵係兩格闊，要適當思考點樣擺去拎/防止對方最有效嘅資源同埋影響大回合中可以使用網嘅板塊位置。每次設置嘅資源同獸蛋分佈係隨機，增加地圖閱讀嘅經驗。流程大家就以遊戲七個目標作為主軸，睇下點樣快速建立自己嘅得分引擎同埋被動效果/資源循環等，以致令到可以比別人搶先一步，拎到更高分嘅目標名次。遊戲會經由各玩家休息階段、擺佔目標數量以促使遊戲結束，所以遊戲都唔會被拖round好耐，大致2-3 小時內就會完結（基本思考時間），算係幾暢快絲滑嘅中策遊戲定位。

店長：想挑戰策略game,但平時覺得啲畫風唔靚唔精美嘅玩家，呢隻要試！唔鍾意ark nova太樣衰同太多卡，會比老手棋力差拉幾遠嘅，呢隻可以試！想輕輕鬆鬆玩嘅gamer 呢隻都係唔錯選擇🫶🏻

*此產品包括: 基礎遊戲, Crew Set Retail, Gargantuan Beasts Expansion, Upgraded Components

遊戲人數：2-4 （建議3-4）
遊戲時長：120-180 mins
工人放置｜卡牌驅動｜連環效果｜目標｜資源運用